Viðar Guðjohnsen, leigusali og athafnamaður tjáir skoðanir sínar með því sem hann kallar „upplýsingaskilti“ sem staðsett er í Mörkinni. Á síðustu árum hefur Viðar notað skiltið til þess að mótmæla ESB og hvetja fólk til að kjósa Davíð Oddsson svo fátt eitt sé nefn. Um þessar mundir býður Viðar upp á slagorðið Áfram Trump á skiltinu. Það er Fréttablaðið sem greinir frá þessu.
Sjá einnig: Frambjóðandi Sjálfstæðisflokksins lét Frosta og Mána heyra það í beinni fyrir að vera með undirhöku
„Þetta eru náttúrlega bara upplýsingaskilti og hernaðarfulltrúar harðlínunnar eru búnir að gefa út þessa tilskipun og nú er þetta er línan,“ segir Viðar í samtali við Fréttablaðið.
Blaðamaður Fréttablaðsins spyr Viðar hvers vegna hann styðji Trump. Hann stóð ekki á svörum. „Ég hef fundið að Sjálfstæðisflokkurinn er að verða svolítið aumingjavæddur og kominn undir hæl femínismans. Þeir voru margir hverjir, Sjálfstæðismennirnir, niðri í bandaríska sendiráðinu þegar Trump vann og fóru að háskæla,“ segir Viðar í samtali við Fréttablaðið.
Gunnar Smári Egilsson vakti athygli á skiltinu á Facebook um helgina
Reykjavík í haustrigningu
Posted by Gunnar Smári Egilsson on Laugardagur, 20. október 2018