Ferskt kartöflusalat með klettasalati, vorlauk og pestó

Auglýsing

Hráefni:

  • 1 poki kartöflur, skornar í tvennt
  • ólívuolía
  • sjávarsalt
  • svartur pipar
  • 3 vorlaukar, skornir smátt
  • 2 handfylli klettasalat
  • 6 radísur, skornar í þunnar sneiðar

Klettasalats-pestó:

  • 2 handfylli ferskt klettasalat
  • 2 dl fersk basilka
  • 2 hvítlauksgeirar
  • 1/2 dl ristaðar furuhnetur
  • 1/2 dl parmesanostur
  • ½ tsk rifinn sítrónubörkur
  • 2 msk sítrónusafi
  • 1 msk hunang
  • 1 -1 1/2 dl ólívuolía

Blandið öllum hráefnum fyrir pestóið saman með töfrasprota eða í matvinnsluvél.

Aðferð:

Auglýsing

1. Hitið ofninn í 210 gráður og leggið bökunarpappír á ofnplötu. Dreifið úr kartöflunum á plötuna ásamt ólívuolíu, salti og pipar. Blandið vel saman og bakið í ofninum í 15 mín.

2. Eftir 15 mín er vorlauknum dreift yfir kartöflurnar og þetta bakað í 25 mín í viðbót eða þar til kartöflurnar eru orðnar fallega gylltar og mjúkar í gegn. Takið úr ofninum og leyfið þessu að kólna í 10 mín.

3. Setjið klettasalat og radísur í stóra skál. Blandið kartöflunum og vorlauknum saman við ásamt vel af heimagerða pestóinu. Toppið með svörtum pipar og berið fram strax.

Auglýsing

læk

Nýjast á Matur

Instagram