today-is-a-good-day

Grillað naan brauð með BBQ kjúklingi

Hráefni:

  • 2 kjúklingabringur
  • naan brauð
  • 1 dl gouda ostur
  • 1/2 dl cheddar ostur
  • 4 msk BBQ sósa
  • 2 msk sýrður rjómi
  • 1 dl klettasalat
  • 1 rauðlaukur skorinn í þunnar sneiðar
  • 1 msk smjör
  • salt & pipar eftir smekk
  • 1 dl ferskt rauðkál rifið niður

Aðferð:

1. Hitið grillið. Kryddið kjúklingabringur með salti og pipar og grillið bringurnar í um 4-5 mín á hvorri hlið eða þar til þær eru eldaðar í gegn. Takið þær af grillinu og leggið á disk eða fat. Eftir nokkrar mín eru þær skornar í strimla.

2. Bræðið smjör á pönnu og steikið laukinn í um 10-15 mín en þá ætti hann að vera orðinn vel mjúkur og karamellu-kenndur.

3. Smyrjið naan brauðin með BBQ sósu, dreifið kjúklingnum og lauknum á þau ásamt gouda og cheddar osti. Grillið næst brauðin í um 5 mín eða þar til osturinn hefur bráðnað vel.

4. Takið brauðin af grillinu og toppið þau með klettasalati, fersku rauðkáli og slettu af sýrðum rjóma. Skerið þau í sneiðar og berið fram strax.

Auglýsing

læk

Instagram