https://www.xxzza1.com

Oreo súkkulaðikaka sem þarf ekki að baka!

Ertu hrædd/ur við að baka? Nútíminn er með frábæra lausn við því! Hér er girnileg uppskrift af ljúffengri Oreo-köku sem þarf ekki að baka. Við hjá Nútímanum erum í hátíðarskapi þessa dagana og munum halda áfram birta að birta uppskriftir sem flott er að grípa í nú þegar hátíð ljóss og friðar nálgast!


Hráefni Oreo botn:

  •  24 Oreo smákökur
  •  6 msk bráðið smjör
Hráefni fylling:
  •  170 gr dökkt súkkulaði, gróflega saxað
  •  170 gr rjómasúkkulaði, gróflega saxað
  •  240 ml rjómi
  •  56 gr smjör skorið í teninga

Aðferð:

1. Botninn: Setjið Oreo smákökur í matvinnsluvél og myljið þær niður. Hellið þessu yfir í skál og hellið smjörinu saman við. Blandið þessu vel saman með höndunum. Þrýstið þessu næst niður í form og leyfið þessu að ná vel upp í kantana. Setjið þetta inn í kæli í 30 mín.

2. Fyllingin: Takið meðalstóra skál (sem má hitna vel) og setjið í hana súkkulaðið. Leggið til hliðar. Takið lítinn pott og setjið í hann rjóma og smjör. Náið upp suðu og takið þetta svo af hitanum. Hellið þessu yfir súkkulaðið í skálinni og leyfið þessu að standa í 1 mín. Hrærið þessu þá vel saman þar til allt súkkulaðið hefur bráðnað. Hellið þessu yfir Oreo botninn og leyfið þessu að kólna í kæli í að minnsta kosti 4 klst, helst yfir nótt.
Auglýsing

læk

Instagram