Þetta pasta er eitt það einfaldasta og fljótlegasta sem ég veit um. Engu að síður er þetta vinsælasta pastað á mínu heimili og klárast upp til agna í hvert skipti sem það er eldað. Einfalt er stundum best.
Hráefni:
400 gr pasta að eigin val (spaghetti, skrúfur, skeljar)
1-2 kúlur mozzarella ostur skorinn í teninga
1 bakki litlir tómatar skornir niður
handfylli af ferskri basiliku söxuð niður
1 dl ólívuolía
salt og pipar
Parmesanostur.
Aðferð:
1. Ólívuolía, tómatar, basilika, salt og pipar allt sett í stóra skál og hrært vel saman.
2. Pastað er soðið eftir leiðbeiningum á pakkningu. Þegar pastað er tilbúið og búið að sigta vatnið frá, er því einfaldlega hellt saman við hráefnin í skálinni og blandað vel saman.
Berið fram með vel af parmesan og svörtum pipar.