Sólon Bistró

Íslendingar á öllum aldri kunna vel að meta Kaffi Sólon sem prýtt hefur hornið á Bankastrætinu í þónokkur ár. Sólon býður upp á mat í fínni kantinum en er einnig með gott úrval af smáréttum fyrir þá sem eru minna svangir eða vilja eitthvað að narta í með drykknum. Matseðilinn er girnilegur og erfitt að velja milli rétta en útsendarar SKE völdu sér nautasteik með humarhölum að bragða á. Maturinn var borinn fram með maispolentu, rótargrænmeti og rauðvínssósu. Nautasteikin var góð og vel elduð. Sósan var einnig bragðgóð en við freistuðumst þó einnig til að smakka á bearnaise sósunni og sló hún heldur betur í gegn!