Prédikarinn Thom Miller var eitt sinn meðlimur mafíunnar í Bandaríkjunum, en hann fann Guð eftir nokkur ár í fangelsi.
Hann hefur verið giftur hinni 44 ára gömlu Belindu í 7 ár og þau höfðu verið búin að ræða fjölkvæni í einhvern tíma – en Thom vildi fleiri konur þrátt fyrir að Belinda megi bara eiga einn mann.
Thom byrjaði að þróa tilfinningar til Reba Kerfoot, sem er 19 ára – en þau hjónin hafa þekkt hana frá því hún var barn.
Thom og Reba giftu sig á dögunum og hún gengur nú með fyrsta barn fjölskyldunnar.
Thom er um þessar mundir að byggja hús undir sig og konurnar, en þær fá aðskild rými fyrir sig. Hann krefst þess að Ohio fylki viðurkenni seinna hjónabandið sitt líka.
Reba segir að fjölskylda hennar hafi verið í uppnámi til að byrja með, en sé nú ánægð að sjá að hún er hamingjusöm.
Hún segir að barnið muni eiga tvær mömmur og henni finnst það ekkert nema jákvætt.