today-is-a-good-day

Ný kærasta Johnny Depp er líka ung fyrirsæta frá Þýskalandi – alveg eins og unnusta Brad Pitt – myndir!

Þýsku slúðurblöðin eru að fara yfir um þessa dagana eftir að tvær stærstu Hollywood-stjörnur heims eru nú komnar í samband með þýskum fyrirsætum. Bæði Brad Pitt og Johnny Depp hafa verið alþjóðleg kyntákn frá því þeir voru ungir en þeir eru nú báðir að verða 60 ára gamlir.

Flestir hafa lesið fréttir af Brad Pitt og sambandi hans við þýsku fyrirsætuna Nicole Poturalski. Hún er gift öðrum manni en hjónabandið er opið þannig hún má vera í sambandi við Brad Pitt – allir sáttir (nema hugsanlega Angelina Jolie en hver veit?).

Johnny Depp hefur átt í slæmum skilnaði við Amber Heard þar sem hjónin fyrrverandi keppast um að niðurlægja hvort annað í fjölmiðlum. Málsóknir ganga á víxl og þau eru hvergi nærri búin að því er virðist vera.

Nú er Johnny Depp kominn á fast með nýrri kærustu (samkvæmt Daily mail) en hún er litlu eldri en kærasta Brad Pitt, er frá Þýskalandi og starfar sem fyrirsæta.  Það er áhugaverð tilviljun hvað sögur af ástarmálum Brad Pitt og Johnny Depp eru líkar – en Pitt stendur einnig í frekar erfiðum skilnaði við Angelinu Jolie.

Sophie Hermann er 33 ára fyrirsæta og leikkona sem býr í London. Hún er frá Þýskalandi og varð fræg sem ein af stjörnum þáttarins Made In Chelsea sem hefur verið geysivinsæll frá 2013. Hún er reyndar í fríi frá þáttunum en telst ennþá vera ein stærsta stjarnan í raunveruleikaþættinum.

Þau hafa lengi verið orðuð við hvort annað en flestir fjölmiðlar eru sammála um að samband þeirra hafi orðið mun nánara undanfarnar vikur.

Aðdáendur Johnny Depp tóku einnig eftir því að þau fylgja hvort öðru í Instagram. Leikarinn fylgir aðeins um 100 manneskjum á Instagram og Sophie Hermann er nú ein þeirra. Depp er með milljónir fylgjenda en er mjög slappur að birta myndir á Instagram.

Heimur slúðursins hefur því nóg að fjalla um næstu vikurnar og hver veit nema Leonardo DiCaprio fari líka til Þýskalands í leit að ástinni?

Auglýsing

læk

Instagram