Justin Bieber hefur sent frá sér myndband við lagið Company. Myndbandið inniheldur nokkur skot frá Íslandi og meðal annars nokkrar íslenskar beljur. Bieber kom til landsins í september í fyrra og vakti ferðalagið mikla athygli. Horfðu á myndbandið hér fyrir neðan.
Í nóvember sendi Bieber frá sér myndband við lagið I’ll Show You sem var einnig tekið upp hér á landi. Myndbandið vakti mikla athygli á sínum tíma og búið er að horfa á það oftar en 217 milljón sinnum þegar þetta er skrifað.
Taktu prófið! Hvað veistu um Justin Bieber?
Eins og Nútíminn greindi frá var Bieber meðal annars á ferðinni í Reykjanesbæ ásamt her lífvarða og nokkrum vinum sínum og kom við Lemon og Subway. Hann ferðaðist svo um landið eins og sást í myndbandinu við I’ll Show You.
Justin Bieber er væntanlegur til landsins á ný í haust en hann kemur fram á tónleikum í Kórnum í Kópavogi 8. og 9. september.