Mjölnir byggir nú stærsta bardagagym í heimi þar sem Keiluhöllin var í Öskjuhlíð.
Það verður ekki bara aðstaða til æfinga í höllinni heldur líka hárgreiðslustofa og bar. Steinar Ingi Kolbeins, útsendari Nútímans, leit við í höllinni og athugaði hvernig framkvæmdirnar ganga. Horfðu á myndbandið hér fyrir ofan.
Sjá einnig: Arnar Gunnlaugs keypti Keiluhöllina í Öskjuhlið mínútu fyrir uppboð, Mjölnir flytur inn um áramótin
Hópur fjárfesta undir forystu Arnars Gunnlaugssonar hefur keypt húsnæðið sem hýsti áður Keiluhöllina í Öskjuhlíð. Bardagaklúbburinn Mjölnir stefnir á að flytja inn í húsnæðið um áramótin og framkvæmdir hófust í október.