Sírenuvæl heyrðist úr smábíl fyrir utan Alþingishúsið við Austurvöll í dag. Lögreglan vinnur nú að því að setja upp grindverk en boðað hefur verið til mótmæla klukkan fimm í dag. Sjáðu myndbandið hér fyrir ofan.
Staðan er svona:
— Sigmundur Davíð Gunnlaugsson forsætisráðherra ætlar ekki að segja af sér. Þetta sagði hann í viðtali í fréttum Stöðvar 2 í hádeginu.
— Bjarni Benediktsson, efnahags- og fjármálaráðherra, mætir ekki á þingfund í dag. Vísir hefur eftir Svanhildi Hólm Valsdóttur, aðstoðarmanni hans, að fjögurra tíma seinkun hafi verið á innanlandsflugi Bjarna í Bandaríkjunum í gær. Hann missti því af tengifluginu hingað til lands.
— Bjarni segir í samtali við mbl.is að staðan sé mjög þung fyrir ríkisstjórnina. Hann segir þingmenn Sjálfstæðisflokksins skynji að þungt hljóð sé í fólki eftir umfjöllun um Panamaskjölin og tengsl íslenskra ráðamanna við skattaskjól. Bjarni ætlar að ræða við forsvarsmenn Framsóknarflokksins seinna í dag.
— Þingmenn minnuhlutans funda nú saman um vantrausttillögu á ríkisstjórnina sem lögð verður fram seinna í dag.
— Þúsundir hafa boðað koma sína á mótmæli á Austurvelli í dag þar sem krafist verður þess að boðað verði til kosninga.
— Sigrún Magnúsdóttir umhverfisráðherra segist styðja Sigmund Davíð í ótrúlegu viðtali á vef RÚV.
— Ísbúðin Valdís á Grandagarði býður upp á Wintris-ís. Hann er súr og stútfullur af hroka og mælir starfsfólk ísbúðarinnar ekkert sérstaklega með honum.