Nýliðinn febrúarmánuður var einkar snjóþungur um land allt og merki um
það mátti greinilega sjá í verslunum Húsasmiðjunnar. Snjóskóflur og
snjósköfur seldust upp á höfuðborgarsvæðinu og var aukning í
sölu um 140% milli ára.
,,Snjóskóflur kláruðust í vöruhúsinu okkar og flestar gerðir seldust upp í
verslunum okkar um land allt. Við höfum ekki séð svona mikla sölu á
snjóskóflum í mörg ár, sérstaklega á höfuðborgarsvæðinu þar sem salan margfaldaðist milli ára. Einnig höfum við fundið fyrir mikilli aukningu á sölu á salti, sandi, mannbroddum og jafnvel garðslöngum, því fólk er að bræða snjó og klaka með heitu vatni fyrir utan hjá sér,“ segir Magnús Magnússon, markaðsstjóri Húsasmiðjunnar.
Sem stendur eru þessar vörur uppseldar í vefverslun og takmarkað úrval í verslunum og unnið er að því að fá fleiri snjóskóflur og -sköfur á lager. Hið sama átti við um snjóblásara, en þau eintök sem Húsasmiðjan hafði til sölu seldust einnig upp í febrúarmánuði.
Gera má ráð fyrir að salan detti hratt niður með betri tíð.