Rapparinn Young Thug er á leiðinni til landsins. Hann kemur fram á tónleikum í Laugardalshöll föstudaginn 7. júlí. Þetta kemur fram í Fréttablaðinu í dag.
Young Thug er einn vinsælasti rappari heims um þessar mundir en þrjár plötur sem hann sendi frá sér í fyrra komust inn á topp fimm á rapplista Billboard.
Róbert Aron Magnússon, eða Robbi Kronik, segir í samtali við Fréttablaðið að um alvöru show verði að ræða. „Það verður mikill fengur að fá hann og sérstaklega svona á hátindi ferilsins,“ segir hann í Fréttablaðinu.
Robbi lofar mikilli rappveislu í Laugardalshöll en upphitunarsveitirnar verða tilkynntar síðar. Miðasalan hefst 10. febrúar en notendum Aur-appsins verður gert kleift að kaupa sér miða sólarhring fyrr.