Fyrrum fótboltamaðurinn David Beckham er mættur til Íslands í sumarfrí. Samkvæmt heimildum Nútímans lenti Beckham á landinu í dag. Fjárfestirinn Björgólfur Thor Guðmundsson sem er góður félagi Beckham tók á móti honum þegar einkaþota hans lenti á Reykjavíkurflugvelli.
Sjá einnig: David Beckham og Björgólfur Thor flottir saman á ströndinni í Malibu
Beckham og Björgólfur eru góðir vinir en þeir spókuðu sig saman á ströndinni í Malibu á síðasta ári. Þetta er ekki í fyrsta skipti sem kemur hingað en hann heimsótti Ísland ásamt fjölskyldu sinni sumarið 2016.
Beckham er ein stærsta stjarnan úr fótboltaheiminum en hann spilaði meðal annars með Manchester United, Real Madrid og Los Angeles Galaxy á ferli sínum. Hann er giftur söngkonunni Victoriu Beckham sem gerði garðinn frægan með hljómsveitinni Spice Girls á sínum tíma.