Hráefni:
1 miðlungsstórt blómkálshöfuð skorið í bita
2 msk ólívuolía
1/4 tsk sjávarsalt
1 tsk chilliduft
1 tsk reykt paprika
1/2 tsk hvítlauksduft
1 vorlaukur skorinn smátt
2-3 lime sneiðar
Aðferð:
1. Hitið ofninn í 200 gráður og setjið bökunarpappír á ofnplötu.
2. Takið stóra skál og setjið í hana blómkálið ásamt olíu, salti, chillidufti, reyktri papriku og hvítlauksdufti. Blandið öllu vel saman og hellið þessu næst á ofnplötuna. Dreifið vel úr þessu yfir plötuna.
3. Bakið í um 20-30 mín eða þar til blómkálið tekur á sig fallega gylltan lit og er farið að mýkjast. Gott er að taka plötuna út þegar tíminn er hálfnaður og „róta“ aðeins í blómkálinu svo það bakist jafnt.
4. Þegar blómkálið er tilbúið er vorlauknum blandað saman við það ásamt lime safanum. Berið fram strax.