Rapparinn og rithöfundurinn Dóri DNA hyggst opna vínbar á móti Þjóðleikhúsinu í ágúst. Staðurinn verður á Hverfisgötu 18 og mun bera nafnið Mikki Refur.
Á staðnum verður hægt að fá náttúruvín, kaffi og vöfflur svo þetta verður einskonar blanda af kaffihúsi og vínbar.
„Við opnum síðan bara í ágúst og tökum franska stílinn á þetta, þar sem við höfum bara allt þetta nauðsynlega en ekki eitthvert konsept sem er svo sniðugt að fólk gubbar. Bara frábært kaffi og frábært vín og frábært með því,“ segir Dóri í samtali við mbl
Húsgagnaverslunin NORR11 færir sig einnig í húsið og verða staðirnir tveir því í samliggjandi rými.