Ekki hefur greinst eitt einasta COVID-19 smit hér á landi síðan miðvikudag en þá greindust tvö smit. Á síðu Covid.is kemur fram að tekin hafi verið 935 sýni hér á landi í gær; 63 á sýkla- og veirufræðideild Landspítalans og 872 hjá Íslenskri erfðagreiningu.
Tveir einstaklingar eru á sjúkrahúsi með COVID-19 en þó hvorugur á gjörgæslu. Virk smit á landinu eru nú 18 talsins. Síðan veiran greindist fyrst hér á landi í lok febrúar hafa 1.801 greinst í það heila en aðeins þrjú smit hafa greinst það sem af er maí mánaðar.