Lýtaskurðlæknirinn Elísabet Guðmundsdóttir var handtekin í gærkvöldi. Elísabet hafði átt að mæta í skýrslutöku, eftir að hafa neitað að gangast undir skimun eða fara í sóttkví við komuna til landsins í byrjun desember, en mætti ekki.
Hún hefur verið dugleg að lýsa opinberlega yfir andúð sinni á þeim sóttvarnaraðgerðum sem gripið hefur verið til hér á landi vegna kórónuveirunnar og gagnrýnt harðlega grímunotkun.
Lögreglan stöðvaði Elísabetu í Hafnarfirði um klukkan hálf tólf í gærkvöldi þar sem hún var stödd í bifreið ásamt vini sínum. Hún birti myndband af atvikinu á Facebook síðu sinni þar sem hún segist hafa verið „handtekin, handjárnuð og barin.“