Ekki er mikið um erlenda ferðamenn hér á landi þessa dagana en þó þurftu lögreglumenn að hafa afskipti af einum slíkum á ellefta tímanum í gærkvöldi.
Svaf maðurinn ölvunarsvefni á gangstétt við Laugaveg. Lögregla benti honum á að þetta væri ekki ákjósanlegur svefnstaður og færði maðurinn sig þá um nokkra metra og lagðist aftur til hvílu. Maðurinn var því handtekinn og færður í fangageymslu.