Tilkynning barst á fimmta tímanum í morgun til Slökkviliðs Borgarbyggðar um brennandi hús í Borgarfjarðardölum. Fjögurra manna fjölskylda komst af sjálfsdáðum út úr húsinu.
Slökkviliðinu tókst að ná tökum á eldinum og leituðu þá að eldhreiðrum sem geta leynst í klæðningu og þaki hússins. Í heildina tóku um 30 manns þátt í slökkvistarfinu.
Ekki liggur fyrir á þessari stundu hversu mikið tjónið er en húsið er gamalt timburhús. Þetta kemur fram á vef mbl.is