Heima með Helga Björns í beinni útsendingu í Sjónvarpi Símans í kvöld, laugardaginn 28.mars kl:20:00, í opinni dagskrá.
Við skemmtum okkur svo vel saman síðastliðinn laugardag að það er ekki annað hægt en að telja í nokkur lög til viðbótar.
Helgi syngur nokkur af sínum þekktustu lögum í bland við perlur úr dægurlagasögunni okkar. Kvöldvakan hefst klukkan 20:00 og stendur yfir í klukkutíma. Sérstakur gestur Helga verður söngkonan Salka Sól.
„Við verðum aðeins að lyfta okkur á kreik sem þjóð, þetta eru búnar að vera þungar vikur að fara í gegnum. Við erum þó á allan hátt að fara eftir fyrirmælum og öll viljum við standa okkar plikt í almannavörnum en við viljum líka aðeins fá að líta upp úr þessu og skemmta okkur og hrista,” segir Helgi aðspurður út í útsendinguna.
Ég er með lítið mjög vel skipað band og vandaðan lagalista og þjóðin fær að velja lög á dagskránna í gegnum samfélagsmiðlanna. Þannig að það fá allir óskalag og þetta verður bara falleg kvöldvaka.”.
Eins og Helgi kom inn á verður farið að öllum fyrirmælum Almannavarna, tveggja metra millibil á milli hljómsveitarmeðlima og þeirra sem koma að útsendingunni en Helgi sem slíkur aldrei nær þjóðinni. „Þetta verður bara gaman og það geta allir verið með, hvar sem er á landinu og hvernig sem staðan er.”