Heppinn áskrifandi var einn með 1. vinning í Lottó útdrætti gærkvöldsins og hlýtur hann rúmlega 9,7 milljónir króna. Þrír miðahafar skiptu bónusvinningnum á milli sín og fær hver þeirra tæplega 143 þúsund krónur í sinn hlut.
Tveir miðanna voru í áskrift og einn var keyptur í Videómarkaðnum, Hamraborg, Kópavogi. Sex voru með fjórar réttar tölur í réttri röð í Jókernum og hlýtur hver þeirra 100 þúsund krónur í vinning. Miðarnir voru keyptir hjá N1, Húsavík, einn í áskrift og þrír á Lotto.is og einn í Lotto-appinu.