Hugmyndadagar RÚV – Lumar þú á góðri hugmynd?

Auglýsing

Dagana 14.-15. október verða haldnir svokallaðir Hugmyndadagar RÚV. 
Þá gefst hugmyndasmiðum, höfundum, framleiðendum og öðrum, kostur á að kynna hugmyndir sínar og tillögur að dagskrárefni fyrir dagskrárstjórum RÚV.
„Hugmyndadagar RÚV eru tvisvar á ári og voru fyrst haldnir í október 2017.  Rúmlega 1.100 hugmyndir hafa borist frá upphafi og um 340 hópar og einstaklingar verið boðaðir í Útvarpshúsið til að kynna tillögur sínar. Á fimmta tug verkefna hafa þegar orðið að veruleika, eru í þróun eða í frekari skoðun. Markmiðið er að auka enn á fjölbreytnina í dagskrárframboði RÚV, opna á hugmyndaþróun og styrkja tengsl RÚV vði sjálfstæða framleiðendur. Meðal hugmynda sem hafa orðið að veruleika í framhaldi af Hugmyndadögum eru þættir á borð við Árný og Daði í Kambódíu, Hinseginleikinn, Smá pláss, Fólkið á bak við flóttann, Ólétta stelpan, Ymur, Ekkert skiptir máli, Íslenska mannflóran, Hyldýpi og Fallnar borgir,” segir í tilkynningu frá RÚV
Frestur til að koma hugmyndum og tillögum á framfæri er til og með 27. september. Nánari upplýsingar og umsóknarform má finna á vef Hugmyndadaga.
Auglýsing

læk

Ummmmm...

Instagram