CrossFit samtökin birtu í gær skemmtilegt myndband á Instagram um íslenskar afrekskonur í CrossFit. Í myndbandinu koma fram þær Annie Mist Þórisdóttir, Katrín Tanja Davíðsdóttir og Sara Sigmundsdóttir.
„Það er auðvelt að horfa framhjá Íslandi á landakorti. En í CrossFit landslaginu er það risastórt. Af einhverjum ástæðum er fólkið, sem kallar þessa litlu eyju heimilið sitt, í toppformi,“ segir meðal annars í myndbandinu.
Nokkur ár er síðan myndbandið var tekið upp en samtökin endurbirtu það í gær enda styttist óðum í nýtt CrossFit tímabil og hefst CrossFit Open þann 11. mars næstkomandi.
View this post on Instagram