https://www.xxzza1.com

Íslensk erfðagreining mun skima fyrir kórónuveirunni

Íslensk erfðagreining mun hefja skimun fyrir kórónuveirunni í næstu viku. Þetta kemur fram á vef Vísis

Kári Stefánsson, forstjóri Íslenskrar erfðagreiningar og landlæknir komust að þessari niðurstöðu, eftir fund sinn í dag.

„Þetta verður að öllum líkindum gert þannig að það verði send út tilkynning einhverskonar, vonandi frá landlæknisembættinu, um að þeim standi til boða ef það er með kvef eða hósta eða hita eða beinverki að koma á ákveðinn stað þar sem það gefi lífsýni í gegn um glugga á bíl og síðan yrði því komið til okkar og við myndum skima og raðgreina og senda niðurstöðu til sóttvarnarlæknis,“ segir Kári í samtali við fréttastofu Vísis

Íslensk erfðagreining bauðst til að hlaupa undir bagga með hinu opinbera og skima fyrir veirunni meðal fólks á föstudag. Kári greindi aftur á móti frá því í gærkvöldi að ekki yrði af verkefninu í ljósi þess að Persónuvernd og Vísindasiðanefnd teldu það flokkast sem vísindarannsókn sem væri því leyfisskyld. Þetta reyndist vera misskilningur og er Kári því hættur við að hætta við.

„Ég auðvitað brást við því eins og sá hvatvísi fantur sem ég er en ég lít á það sem forréttindi að fá að éta orð mín ofan í mig og segja ykkur að jú, við ætlum að fara af stað og við ætlum að skima og við ætlum að raðgreina þessa veiru þar sem hún finnst. Við ætlum að vera hluti af því teymi sem er að takast á við þennan faraldur.“

Auglýsing

læk

Instagram