Tónlistarkonan Bríet gaf út sína fyrstu breiðskífu á dögunum og ber hún heitið Kveðja, Bríet.
Í ljósi aðstæðna var ekki hægt að halda hefðbundið útgáfupartý í tilefni plötunnar. Platan var spiluð í heild sinni á K100 á föstudagskvöldið og mættu nánasta fjölskylda og vinir Bríetar við yfirgefna námu í Krýsuvík og nutu tónlistar og ljósadýrðar úr bílum sínum.
Platan, sem kom út 10. október, hefur nú þegar fengið yfir 100.000 hlustanir sem er ótrúlega flottur árangur.