María Huld Markan Sigfúsdóttir gefur út plötuna Kom vinur

Auglýsing

Platan Kom vinur eftir tónskáldið Maríu Huld Markan Sigfúsdóttur kemur út í dag, 22. janúar, á vegum bandaríska útgáfufyrirtækisins Sono Luminus.  Hún inniheldur tvö kórverk eftir Maríu við ljóðatexta Vilborgar Dagbjartsdóttur sem fagnaði níræðisafmæli sínu á síðasta ári. Upptakan fór fram í Hallgrímskirkju í september 2020, flutningur var í höndum Schola Cantorum undir stjórn Harðar Áskelssonar en upptökum stýrði Kjartan Sveinsson.

Hér má nálgast Kom vinur

Þótt verkið Kom vinur sé samið 2017, kallast þetta titillag plötunnar að mörgu leyti á við árið sem var að líða og hið órólega ástand sem ríkir í miðjum heimsfaraldri. Dapurlegur undirtónninn í texta ljóðsins ber með sér einmanakennd en einnig löngum til að deila birtu og yl með kærum vini á köldum vetrardegi. Þetta draumkennda verk var upphaflega samið fyrir sumartónleika í Skálholti þar sem María Huld var staðartónskáld. Texti lagsins, sem og textinn við Maríuljóð sem samið var ári seinna, er eftir ljóðskáldið Vilborgu Dagbjartsdóttur.

Hér má horfa á myndband við lagið Maríuljóð

Auglýsing

Tilefni útgáfu verkanna nú er meðal annars til að heiðra Vilborgu í tengslum við stórafmæli hennar á síðasta ári og er verkefnið er styrkt af Tónlistarsjóði. Verk hennar hafa veitt fjölda tónskálda innblástur og fjölda ljóða hennar verið tónsett af tónskáldum á síðustu árum. Útgáfan er því hugsuð sem þakklætisvottur til hennar og liður í að vekja verðskuldaða athygli á höfundarverki hennar. Vilborg er eitt þekktasta ljóðskáld Íslands og frumkvöðull í jafnréttisbaráttu hérlendis en ljóð hennar fjalla gjarnan um stöðu kvenna og ójafnrétti sem finnst víða í samfélaginu. Maríuljóð er ort frá sjónarhorni barns sem skoðar tilvist sína í gegnum náttúruna, gangverk árstíðanna og vangaveltur um Maríu guðsmóður.

María Huld lýsir ljóðunum sem kjarna tónverkanna; “Þegar ég samdi verkin leið mér líkt og hlutverk mitt væri að grafa upp tónlistina sem leyndist inni í ljóðunum og uppgötva og undirstrika tónfall sem var til staðar í textanum”.

Mörg fyrri verka Maríu hafa áður verið gefin út í útgáfum á vegum Sono Luminus. Þar má nefna Oceans sem samið var fyrir og tekið upp af Sinfóníuhljómsveit Íslands undir stjórn Daníels Bjarnasonar og kom út á plötunni Concurrence sem á dögunum hlaut tilnefningu til Grammy-verðlauna fyrir árið 2020.

Auglýsing

læk

Ummmmm...

Instagram