Tónlistarmaðurinn Páll Óskar gaf í gær út glænýtt lag sem ber heitið „Djöfull er það gott” og er sannkallaður sumarhittari.
„Ég prófaði tólf mismunandi útgáfur af laginu, tólf texta og tólf viðlög þannig að það var talsvert lengi í vinnslu,“ segir hann, „en þetta er útkoman og ég gæti ekki verið ánægðari.“ Þetta kemur fram á vef albumm.is
Lagið er örlítið frábrugðið fyrri tónlist Páls Óskars og segist hann ætla að gera meiri tónlist af þessu tagi.
„Já, alveg klárlega, mér finnst þetta hrikalega skemmtilegt og það er kominn tími á nýtt sánd.“
Einnig er komið út frábært myndband við lagið sem sjá má hér fyrir neðan.