today-is-a-good-day

Ótrúleg eins árs saga stefnumóta-appsins Smitten

Stefnumóta-appið Smitten er orðið eins árs gamalt, en það var gefið út 28. september 2020, í upphafi annarrar Covid bylgju á Íslandi.

Stofnendur Smitten, þeir Ásgeir Vísir, hönnuður og Davíð Örn, framkvæmdastjóri, segja velgengni Smitten hafa farið fram úr björtustu vonum!

„Þegar við gefum Smitten út erum við svo gott sem búnir með peninginn í bankanum og vissum að ef okkur tækist ekki að láta Smitten ganga upp strax á fyrstu vikunum, þá væri draumurinn úti,” segir Davíð Örn, framkvæmdastjóri Smitten. „Við höfðum fengið um 40 milljónir frá innlendum fjárfestum til þess að markaðssetja The One, fyrra stefnumóta-appið okkar en sáum fljótlega að það myndi aldrei taka á flug. Við ákváðum því, í samráði við Magnús Ólafsson, tæknistjórann okkar, að taka algjöra 180° beygju og búa til skemmtilegasta stefnumóta-app í heimi,” bætir Davíð við.

Smitten, sem kom út í lok september á síðasta ári, hefur vægast sagt verið tekið fagnandi af ástþyrstum Íslendingum, en rúmlega 35.000 Íslendingar hafa hlaðið niður forritinu. Í hverri viku „svæpa”  Íslendingar hvorn annan oftar en milljón sinnum og frá upphafi hafa orðið til um 350.000 tengingar (e. matches).

Smitten flokkast sem afslappað stefnumóta-app (e. Casual dating app), en í þeim flokki eru stærstu öppin á markaðnum eins og Tinder og Bumble. Smitten er hins vegar frábrugðið samkeppninni sem sést einna helst í hönnun þess. „Við höfum gefið sköpunargleðinni algjörlega lausan tauminn og lagt ofuráherslu á að búa til skemmtilega upplifun,” segir Ásgeir Vísir, hönnuður Smitten.

„Hugmyndafræðilega byggjum við vöruna lauslega á tölvuleikjum eins og Fortnite og Candy Crush í bland við mekaník sem þekkist í samfélagsmiðlum. Við Davíð höfum auðvitað verið að gefa út samfélagsmiðla-öpp saman í tæpan áratug, svo það eru margir litlir hlutir sem við höfum pikkað upp yfir árin sem skipta megin máli,”  bætir Ásgeir við.

Smitten tryggði sér tæplega 350 milljón króna fjármögnun fyrr í apríl á þessu ári frá danska sjóðnum byFounders, breska sjóðnum PROfounders auk íslenska sjóðsins Brunnur Ventures og annarra. Áður höfðu íslenskir englafjárfestar, s.s. Investa, Fagkaup og Hilmar Veigar, forstjóri CCP, komið að fjármögnun félagsins.

„Við fundum strax á fyrstu dögunum að Smitten ætti eftir að ganga vel, en við höfum fengið mjög mikla endurgjöf frá notendum um að appið sé margfalt skemmtilegra en allt annað sem er í boði á markaðnum. Við vorum svo sannfærðir um ágæti Smitten að þó að félagið væri tæknilega komið í þrot, með tæplega 10 milljónir króna yfirdrátt í persónulegum ábyrgðum á okkur stofnendunum, sváfum við vært á nóttunni. Við lokuðum stórri fjármögnun frá flottum sjóðum og komust mun færri að en vildu í þessari lotu. Nú eru flestir þekktustu fjárfestingasjóðir heims að fylgjast með framgangi Smitten, en það er fyrirséð að við munum þurfa að fara í aðra fjármögnunarlotu á næsta ári,”  segir Davíð.

Fyrr á árinu taldi Smitten einungis þrjá starfsmenn, þá Ásgeir, Davíð og Magnús Ólafsson, sem jafnframt eru stærstu eigendur félagsins. Í dag starfa þar 10 starfsmenn í fullu starfi auk 5 aðila sem koma að rekstrinum á einn eða annan hátt.

Það er stutt stórra högga á milli hjá Smitten en í síðustu viku var spjótunum snúið að fyrsta erlenda markaðssvæðinu, Danmörku. „Markaðssetningin hefur gengið vonum framar, þrátt fyrir að Smitten þýði “sýkingin” á dönsku. Það hafa nú þegar nokkur þúsund Danir sótt appið. Við lítum á þetta sem þriggja mánaða útgáfu períódu, þar sem það tekur vanalega langan tíma að fá inn stóran massa sem getur orðið sjálfbær,” segir Ásgeir. „Starfsfólkið okkar hefur lagt á sig ómannlega vinnu undanfarnar vikur til þess að gera vöruna tilbúna til þess að sölsa undir sig heiminn. Við Davíð og Magnús erum ekkert eðlilega stoltir af þeim og þakklátir fyrir að hafa fengið þau til liðs við okkur,” bætir Ásgeir við.

Framundan hjá Smitten er að sýna fram á að varan virki á fleiri markaðssvæðum en Íslandi. Danmörk er fyrst Norðurlandanna en strax í kjölfarið er stefnan sett á Svíþjóð og Noreg.

Smitten er frítt og aðgengilegt á App Store og Google Play:

https://smittendating.app.link/getSmitten

Auglýsing

læk

Instagram