Reykjanesbrautinni hefur verið lokað vegna umferðarslyss sem varð við álverið í Straumsvík. Talið er að lokunin muni vara í klukkustund.
Samkvæmt upplýsingum frá slökkviliðinu þurfti að beita klippum til að ná tveimur út úr bílunum og voru fjórir fluttir á slysadeild. Mikil hálka var á veginum í morgun.
Einnig kom upp eldur í bíl á Miklubrautinni í morgun og er hún lokuð í austurátt á meðan slökkvistarf stendur yfir.
Þetta kemur fram á vef Rúv