Tveir á slysadeild eftir harðan árekstur á Reykjanesbraut

Rétt um klukkan 12:30 í dag varð umferðaróhapp á Reykjanesbraut þegar flutningabíl var ekið aftan á vegamerkingabíl sem var að störfum nærri Fitjum. Ökumenn beggja bílanna voru fluttir á slysadeild.

Þetta kemur fram í tilkynningu Vegagerðarinnar.

Unnið er að hreinsun vegarins. Ekki er ljóst hvenær hægt verður að opna Reykjanesbrautina að nýju en hjáleið er um Stapabraut og Njarðarbraut.

Reykjanesbraut: Umferðaróhapp varð á mislægum gatnamótum á Reykjanesbraut ofan Njarðvíkur. Hjáleið er um Stapabraut og Njarðarbraut. #færðin

— Vegagerðin | Iceland Roads (@Vegagerdin) June 9, 2020