Enginn var með allar aðaltölurnar auk stjörnutalnanna í EuroJackpot að þessu sinni og flyst því vinningsupphæðin yfir á 1. vinning í næstu viku. Þrír miðahafar skiptu með sér 2. vinningi og hlýtur hver þeirra rúmlega 94,7 milljónir.
Miðarnir voru keyptir í Danmörku, Noregi og Slóveníu. Sex miðahafar skiptu með sér 3. vinningi og fá þeir rúmar 16,7 milljónir hver. Miðarnir voru keyptir í Póllandi, Finnlandi, tveir í Þýskalandi og tveir í Noregi. Tveir voru með fjórar tölur í réttri röð í Jókernum og hlýtur hvor þeirra 100 þúsund krónur í vinning. Annar miðinn var í áskrift en hinn var keyptur á Lotto.is