Hæstiréttur New York í Bandaríkjunum hefur snúið við dómsúrskurði frá 2020 þar sem Harvey Weinstein var fundinn sekur um nauðgun og þótti sá dómur stór áfangi í MeToo bylgjunni.
Dómurinn komst að þeirri niðurstöðu að dómarinn í máli Weinstein hefði leyft vitnisburð sem tengdist máli hans ekki neitt en þótti líklegur til að hafa haft töluverð áhrif á málið.
AP fréttastofan greinir frá að þrátt fyrir þetta verði Weinstein áfram í fangelsi þar sem hann var dæmdur í Los Angeles fyrir aðra nauðgun en segir að þessi úrskurður veki upp erfiðar minningar fyrir marga þar sem dómurinn yfir Weinstein stórt skref í baráttunni gegn kynferðisofbeldi í Bandaríkjunum.
Þó svo að þetta sé áfall fyrir marga þá ítrekaði dómurinn að hér væri um mistök í málsókninni að ræða en að það væri ekki verið að úrskurða Weinstein saklausan og tók fram að til standi að taka málið gegn Weinstein upp aftur.