Í minnisblaði sem Vinnumálastofnun tók saman í síðustu viku kemur fram að 621 fyrrverandi starfsmaður WOW sé á atvinnuleysisskrá. Í aprílmánuði fengu 680 atvinnuleysisbætur greiddar en alls 780 starfsmenn WOW sóttu um atvinnuleysisbætur eftir fall fyrirtækisins í lok mars.
Milli mánaðanna apríl og maí hefur því fækkað um 59 í hópi fyrrverandi starfsmanna WOW sem eru skráðir atvinnulausir. Í minnisblaði Vinnumálastofnunar segir að mismunurinn af þeim sem sóttu um atvinnuleysisbætur og þeirra sem fengu greiddar atvinnuleysisbætur fyrir apríl liggi í þeim hópi sem fékk strax starf eða var í lánshæfu námi.