Bjóða Sigmundi Davíð í vöfflur, risaborði vísar að stjórnarráðinu

Auglýsing

Röskva – samtök félagshyggjufólks við Háskóla Íslands hefur sett upp risaborða þar sem Sigmundi Davíð Gunnlaugssyni forsætisráðherra er boðið í vöfflur.

Samtökin hafa boðið öllum Alþingismönnum í vöffluboð í kosningamiðstöð sinni við Lækjartorg 5 á fimmtudaginn en svalir miðstöðvarinnar snúa að stjórnarráðinu og því auðvelt að koma skilaboðum þangað.

Eydís Blöndal, oddviti Röskvu á hugvísindasviði, segir að Röskva vilji leggja áherslu á það í Stúdentaráði að stunda virkt samtal við þingmenn um mál sem varðar nemendur við háskólann. „Svo sem Lánasjóð íslenskra námsmanna, framlög til Háskóla Íslands og fleira.“

Flest mál sem rata á borð Alþingis snerta námsmenn með einum eða öðrum hætti, svo samtal við þingmenn er mjög mikilvægt.

Eydís segir markmiðið með borðanum sé að koma skilaboðum áleiðis til forsætisráðherra, menntamálaráðherra og allrar ríkisstjórnarinnar.

Auglýsing

læk

Ummmmm...

Instagram