Albönsk fjölskylda var flutt úr landi í nótt eftir ákvörðun Útlendingastofnunar. Lögreglan fjarlægði fjölskylduna af heimili sínu í nótt og ók út á flugvöll. Myndband af því þegar fjölskyldan var sótt var birt á Facebook. Horfðu á myndbandið hér fyrir neðan.
Stundin greinir frá því að maðurinn, Kastrijot Pepoj, hafi flutt til Íslands með fjölskyldunni til að forðast hefndir glæpagengis, eftir að hafa verið skotinn í höndina, og til að nálgast lyf og læknishjálp fyrir son sinn sem er langveikur.
Vísir greinir frá því að vinnuveitandi fjölskylduföðursins segi að um yndislega og harðduglega fjölskyldu sé að ræða sem hafi komið sér vel fyrir á þeim tíu mánuðum sem hún hefur dvalið á Íslandi. Fjölskyldan hafi ekki viljað að mótmælt yrði á heimili hennar heldur ætlaði hún að mæta örlögum sínum.
Óðinn Snær Ragnarsson birti þetta myndband sem sýnir þegar lögreglan fjarlægir fjölskylduna af heimili sínu.
Albönsk fjölskylda sem kom hingað til lands í leit að betra lífi var send aftur til heimalands síns í nótt. Það er hræðilegt að ekki skuli vera hægt að veita fólki/ fjölskyldum sem hingað koma í neyð hæli af mannúðarástæðum eins og þessari fjölskyldu. Allir þeir sem komu að ákvörðuninni um að senda þessa fjölskyldu til baka mættu skammast sín. Fulltrúar Lögreglunnar sem mættu á staðinn mættu gera slíkt hið sama. http://stundin.is/frett/logreglan-leidinni-ad-fjarlaegja-albonsku-fjolskyl/
Posted by Óðinn S. Ragnarsson on Wednesday, December 9, 2015
Mikil reiði er yfir þessari ákvörðun Útlendingastofnunar á samfélagsmiðlum og fólk gagnrýnir Ólöfu Nordal innanríkisráðherra. Þess má geta að í dag er alþjóðlegur dagur mannréttinda.
Mín fjölskylda var eins samsett þegar við fluttum hingað. En við vorum náttúrulega frá réttu landi og litli bróðir ekki langveikur. Orðlaus.
— Iris Edda Nowenstein (@IrisNowenstein) December 10, 2015
Þurfti ekki annað en að sjá opnunartímann hjá Útlendingastofnun til að fá þá niðurstöðu að þetta er handónýtt batterý #þrot #nomercy
— Jón Júlíus Karlsson (@JonJKarlsson) December 10, 2015
Þetta er vont. Ef kerfið horfir ekki til mannúðarsjónarmiða í tilfelli eins og þessu þá er það ónýtt. Það verður að rýmka reglurnar!
— Áslaug Arna Sigurbjörnsdóttir (@aslaugarna) December 10, 2015
Ég skammast mín fyrir myrkraverk síðustu nætur, Nafna Nordal.
Við eigum að gera betur @olofnordal#ekkimínútlendingastofnun— Ólöf Hugrún (@olofhugrun) December 10, 2015
Huggulegt að búa í landi þar sem ríkisstjórn vísar fjölskyldu úr landi, fyrir það eitt að hafa fæðst annars staðar.
— Daníel Guðmundsson (@danielgudni) December 10, 2015
olof.nordal@irr.is
Þið vitið hvað skal gera— Branddís Ásrún (@Branddis_Asrun) December 10, 2015
Pæling: Útlendingast. starfar eftir lögum. Hvernig væri ef við myndum þá breyta lögum svo að gott fólk mætti búa hér, sama hvaðan það kemur?
— Þorgils Jónsson (@gilsi) December 10, 2015