Einn stærsti bardagaviðburður allra tíma fór fram í nótt þegar Conor McGregor mætti Floyd Mayweather í Las Vegas. Skemmst er frá því að segja að Mayweather sigraði Conor nokkuð örugglega í tíundu lotu. Conor byrjaði nokkuð vel en þegar líða tók á bardagann seig Mayweather fram úr og sigraði að lokum örugglega.
Mayweather hefur þar með sigrað alla 50 bardaga sína á ferlinum en hann lýsti því yfir eftir bardagann að þetta væri hans síðasti. „Hann var mikið betri en ég bjóst við en ég var betri í kvöld,“ sagði Floyd í viðtali eftir bardagann.
"He's a lot better than I thought he was." #Mayweather on #McGregor #MayweatherMcGregor pic.twitter.com/6lhKYWB4yu
— UFC (@ufc) August 27, 2017
Conor var nokkuð léttur í viðtali eftir bardagann. „Hann er ekkert svo snöggur eða sterkur en hann er vel skipulagður,“ sagði Conor.
"I thought it was close. He's very composed. Fair play to @FloydMayweather." #ConorMcGregor @TheNotoriousMMA #MayweatherMcGregor pic.twitter.com/6fF4HpcxoC
— UFC (@ufc) August 27, 2017