Flugfélagið WOW air hóf í gær lengsta áætlunarflug Íslandssögunnar þegar flogið var til Nýju-Delí, höfuðborgar Indlands. Mikil fagnaðarlæti voru í tilefni flugsins í gær en þó virðist einhver misskilningur hafa orðið í fánamálum en á samfélagsmiðlum flugfélagsins birtust myndir af flugfreyjum haldandi á írska fánanum. Þetta kemur fram á vef Fréttablaðsins.
WOW birti mynd á Twitter af tveimur flugfreyjum sem héldur á írska fánanum en ekki þeim indverska. Myndin hefur nú verið fjarlægð af miðlinum.
Fánarnir eiga það sameiginlegt að vera hvítir, grænir og appelsínugulir en línurnar í þeim indverska eru láréttar á meðan þær eru lóðréttar á írska fánanum. Það virðist samt svo að indverski fáninn hafi einnig verið notaður en hann má sjá bregða fyrir á myndbandinu hér að neðan. Á honum er einnig að finna hið svokallaða Ashoka-hjól sem er ekki á þeim írska.
✨? A magical New Delhi-tale awaits in India ???? Today was our inaugural flight to the wondrous city of New Delhi, and we couldn’t be more excited! ??#wowair #inauguralflight
? @DelhiAirport pic.twitter.com/H5G9NK9DfX— WOW air (@wow_air) December 6, 2018