Mynd úr fréttatíma Al Jazeera hefur vakið talsverða athygli á samfélagsvefnum Reddit.
Myndin sýnir að Grænlandi var skipt út fyrir risavaxið Ísland í fréttatímanum. Ísland var því í skamma stund stærsta eyja heims og tók titilinn af Grænlandi.
Notendur Reddit klóra sér í höfðinu yfir mistökunum og skilja ekki hvernig þau gátu átt sér stað.
Einn bendir á að hönnuðir stöðvarinnar þurfi ekki að teikna kort frá grunni fyrri hverja útsendingu. Það er því erfitt að skilja hvernig þetta gerðist.
Annar bendir á að eflaust voru menn að leika sér með kortið og slepptu því í útsendingu fyrir mistök.