Gleðigangan fer fram í nítjánda skipti í dag

Auglýsing

Gleðigangan fer fram í dag og er þetta í nítjánda skipti sem gangan er haldin hér á landi. Gangan er hápunktur Hinsegin daga sem hófust á þriðjudag og enda á morgun, sunnudag.

Í göngunni sameinast lesbíur, hommar, tví- og pankynhneigðir, trans fólk, intersex fólk og aðrir hinsegin einstaklingar í einum hópi ásamt fjölskyldum sínum og vinum til að staðfesta tilveru sína, sýnileika og gleði, ásamt því að minna á þau baráttumál sem skipta hvað mestu máli hverju sinni.

Sjá einnig:Guðni forseti var kallaður hommi þegar hann var lítill: Berst nú fyrir mannréttindum sem verndari Samtakanna 78

Baráttugleðin er yfirskrift Hinsegin daga 2018. Með því er vísað til þeirrar þrotlausu baráttu sem hinsegin fólk á Íslandi hefur háð á síðustu árum og áratugum.

Auglýsing

Und­an­far­in ár hafa um 70.000-100.000 gest­ir tekið þátt í dag­skrá Hinseg­in daga í tengsl­um við gleðigöng­una og bú­ast skipu­leggj­end­ur við mikl­um mann­fjölda í ár.

Gangan leggur af stað frá gatnamótum Sæbrautar og Faxagötu stundvíslega kl. 14 og bíður ekki eftir neinum. Gengið verður eftir Kalkofnsvegi, Lækjargötu, Fríkirkjuvegi og endað á Sóleyjargötu. Þá taka við glæsilegir útitónleikar í Hljómskálagarðinum.

Á heimasíðu Hinsegin daga er þeim sem vilja ganga með, en hafa ekki sótt um þátttöku og eru ekki með sérstakt atriði, bent á að bíða með að slást í hópinn þar til síðasti vagninn hefur farið fram hjá.

Auglýsingar eru bannaðar í göngunni nema í örfáum undantekningartilvikum. Þá er bent á að steggir og gæsir eru ekki velkomin í gönguna.

„Við göngum í þágu mannréttinda og mannvirðingar og biðjum gæsa- og steggjapartí vinsamlegast að virða það og finna sér annan vettvang.”

Auglýsing

læk

Ummmmm...

Rjómalöguð rækjusúpa

Tandoori kjúklingaleggir

Instagram