Bardagakappinn Gunnar Nelson mætir Alex Oliveira á UFC 231 í Toronto á laugardaginn. Hann segist í samtali við The MMA Hour hjá Ariel Helwani að honum hafi aldrei liðið betur líkamlega. Sjáðu viðtalið hér að neðan.
„Ég hef verið í nýju styrktarþjálfunarprógrammi með nýjum þjálfara síðustu mánuði. Sumt af þessu er líkt CrossFit en kannski meira sérhannað fyrir mínar þarfir,“ sagði Gunnar í þættinum.
„Þolið mitt er mun betra, ég næ mér hraðar og ég er sterkari. Mér hefur aldrei liðið betur, ef ég á að vera hreinskilinn,“ bætti Gunnar við.