Jörðin hristist þegar FM95Blö tróð upp á Þjóðhátíð, stuðið kom fram á skjálftamælum

Stuðið á Þjóðhátíð í Eyjum í gærkvöldi var svo mikið að það kom fram á skjálftamælum Veðurstofunnar í Heimaey.

Á jarðskjálftamælunum má sjá stuðið ná hámarki rétt fyrir miðnætti þegar gleðigosarnir í FM95Blö tróðu upp og fluttu blöndu af lögum úr útvarpsþætti sínum á Fm957, grínlögum úr Steindanum okkar og fleiri slagara.

Og Auddi var ánægður með viðtökurnar.

Herjólfsdalur, takk fyrir 1 besta kvöld ævi minnar!! #dalurinn #FM95blö

— Auðunn Blöndal (@Auddib) July 31, 2016

Veðurstofan birti í dag mynd riti skjálftamælisins í Eyjum. Til samanburðar var einnig birt rit jarðskjálftastöðvanna á Eysti Skógum og í Miðmörk á Suðurlandi.

Færslu Veðurstofunnar má sjá hér fyrir neðan.

Hér má sjá myndband frá kvöldinu.