Í ærslaganginum í dag meiddi kettlingurinn Stubbur sig á rófunni og þurfti að fara til dýralæknis þar sem hann var meðhöndlaður. Nú er hann kominn í Kattholt og verður undir eftirliti næstu daga áður en hann fer á nýtt heimili.
Stubbur og systkini hans, þau Ronja, Bríet og Guðni, hafa slegið í gegn um allan í raunveruleikaþættinum Keeping Up With The Kattarshians. Þátturinn er í beinni útsendingu á Nútímanum og á Rás 0 í Sjónvarpi Símans.
Í vikunni var auglýst eftir framtíðarheimili fyrir Guðna, Stubb og Bríeti en nýtt heimili hefur þegar verið fundið fyrir Ronju. Í næstu viku flytja þau öll út og ný kettlingafjölskylda flytur inn.
Útsendingin sem sýnir frá lífi og leik kettlinganna hefur slegið rækilega í gegn og tugþúsundir hafa fylgst með um allan heim í vikunni. Þá hafa margir af stærstu og fjölmiðlum heims fjallað um þáttinn.
Eftir að tilkynning um meiðsli Stubbs birtist á Facebook-síðu kettlinganna hafa aðdáendur um allan heim sent honum batakveðjur. Anni Ruecroft sendir kossa frá Englandi og þakkar fyrir snör viðbrögð Kattholts. „Þau eru miklu mikilvægari en áhorfstölur,“ segir hún.
Belinda Theriault sendir knús á Stubb og Emma Nuuki segist hafa tekið eftir því að Stubbur væri ekki lengur í húsinu. Þá sendu fjölmargir aðdáendur Stubbs Nútímanum póst og kröfðust skýringar þegar þeir tóku eftir að Stubbur var horfinn úr húsinu. Nútíminn hefur svarað öllum fyrirspurnum.
Keeping Up With The Kattarshians er framleitt af Skoti og Sagafilm. Verkefnið er unnið í samvinnu við Kattavinafélag Íslands, með fullri vitneskju og samþykki Matvælastofnunar, dýraeftirlitsmanns suðvesturumdæmis og dýralæknis gæludýra og dýravelferðar.