Khloé Kardashian kann að meta gríðarlegan stuðning aðdáenda sinna eftir að upp komst um framhjáhald barnsföður hennar Tristan Thompson. Framhjáhaldið var að þessu sinni með bestu vinkonu Kylie Jenner hinni 21 árs gömlu Jordyn Woods. Kylie, sem eins og flestir vita er systir Khloé, og Jordyn hafa verið óaðskiljanlegar til margra ára og bjuggu þær saman áður en atvikið átti sér stað. Það má því segja að framhjáhaldið hafi ekki aðeins verið áfall fyrir Khloé því Jordyn var partur af allri Kardashian fjölskyldunni. Jordyn hefur starfað sem fyrirsæta og hefur hún meðal annars setið fyrir í auglýsingum fyrir fatamerki Khloé sem ber nafnið Good American.
Hi loves, wanted you to know that I appreciate you! ?? I’ve been reading your kind words and they really are a blessing to me. I love you! Thank you Thank you! I’ll be back when I’m in the mood to chat with you all. Until then remember to be kind to one another ?
— Khloé (@khloekardashian) February 26, 2019
Líkt og Vísir.is greindi frá á sínum tíma varð Tristan hratt einn hataðasti maður Bandaríkjanna vorið 2018 þegar myndbönd af honum með öðrum konum láku á netið þegar Khloé var á síðustu metrum meðgöngunnar með barnið þeirra. Khloé reyndi að fyrirgefa atvikið og var hann viðstaddur fæðingu dóttur þeirra True Thompson aðeins nokkrum dögum síðar. Frá því að dóttir þeirra kom í heiminn hafa þau hjúin verið að vinna í sambandinu sínu og virtust vera komin á góðan stað. Aðdáendur þáttanna „Keeping up with the Kardashians“ fengu að fylgjast með allri þeirri dramatík sem fylgdi framhjáhaldinu og fæðingunni á sínum tíma og áttu margir erfitt með að taka hann aftur í sátt.
Remember that you are never alone in your pain, and that everything is temporary. Pain, joy, elation, panic, anxiety, it is all temporary. Be grateful for the experiences that continue to build character, and make you who you are. pic.twitter.com/SLTrmua3DP
— Khloé (@khloekardashian) November 4, 2018
Tristan Thompson virðist loksins hafa fyllt mælinn hjá Khloé með því að halda aftur framhjá henni og eru þau hætt saman. Þar sem Tristan er úr myndinni getur Khloé núna haldið áfram og sett alla sína orku í það að njóta lífsins með True dóttur sinni.