Nýjasta kynningarstiklan fyrir Avatar: The Way of Water hefur núna verið gerð aðgengileg á netinu, en aðdáendur hafa beðið eftir myndinni með mikilli eftirvæntingu en mikil leynd hefur hvílt yfir henni.
Kvikmyndin, líkt og má giska út frá nafninu, er framhald af Avatar sem kom út árið 2009 og er enn í dag, 13 árum eftir hún kom út, söluhæsta kvikmynd allra tíma. Myndin gerist áratug eftir atburði fyrstu myndarinnar og segir frá Sully fjölskyldunni, Jake, Neytiri og börnum þeirra, og þeim ógnum sem þau standa frammi fyrir.
Auk The Way of Water vinnur James Cameron (True Lies, Titanic) og hans fólk að framleiðslu fleiri kvikmynda í Avatar-seríunni.
Þau Zoe Saldana, Sam Worthington, Stephen Lang, Giovanni Ribisi og CCH Pounder eru í aðalhlutverkum myndarinnar, auk þeirra Kate Winslet; Jemaine Clement, Cliff Curtis, Edie Falco, Vin Diesel, Oona Champlin og Sigourney Weaver, sem lék einnig í fyrstu myndinni.
Avatar: The Way of Water er væntanleg 16. desember næstkomandi.