Norski fyrirtækið Hpottur, sem framleiðir heita potta, hóf nýlega sölu á potti sem kallast Örn og er nefndur í höfuðið á fótboltamanninum Viðari Erni Kartanssyni. Viðar Örn hefur slegið rækilega í gegn í Noregi og hefur skorað 24 mörk í 23 leikjum fyrir Vålerenga í norsku úrvalsdeildinni í fótbolta.
Viðar Örn er í viðtali í Fréttatímanum í dag og sagði þar frá að hann hafi setið fyrir í auglýsingu fyrir framleiðanda á heitum pottum. Nútíminn hafði samband við Viðar sem sagði okkur allt af létta:
Þetta er semsagt stuðningsmaður Vålerenga sem á þetta fyrirtæki. Þeir eru með svolítið íslenskt þema á þessum pottum hjá sér og þeim Fannst tilvalið að heyra í mér hljóðið og ég samþykkti að fara í þessa myndatöku hjá þeim.
Viðar Örn er aðeins sex mörkum frá norska markametinu en það setti Odd Iversen, leikmaður Rosenberg, árið 1968.
Viðar er því heitasti fótboltamaður Noregs um þessar mundir og fær mikla athygli hjá fjölmiðlum og fyrirtækjum ytra. „Annars er maður hér og þar í myndatökum hjá sponsorum og þarf að heimsækja fyrirtæki og skóla og annað nokkrum sinnum í viku,“ segir Viðar. „Það er þreytandi en farið að venjast ágætlega — það er líklega partur af þessu ef það gengur vel.“
Hér má svo sjá mörkin 24:
https://www.youtube.com/watch?v=2eFnb_6q3H0