Pavel Ermolinskij, leikmaður íslenska karlalandsliðsins í körfubolta, gaf áhorfanda treyjuna sína eftir leikinn gegn Spánverjum í gær. Landsliðið leikur nú á Evrópumótinu í Þýskalandi og hefur komið mörgum á óvart.
Pavel kveikti í íslenska liðinu þegar hann setti niður þrjár þriggja stiga körfur á stuttum tíma í fyrri hálfleik. Það dugði þó ekki til og Spánverjar unnu leikinn.
Pavel sagðist í samtali við Vísi ekki vita hvort hann hafi mátt gefa treyjuna.
Hún er hjá einhverjum áhorfendum. Ég veit ekki hvort ég mátti gefa þessa treyju? Við erum að spila á morgun. Ég var bara að þakka áhorfendum fyrir stuðninginn sem þeir hafa gefið okkur.
Nú hefur treyjan skotið upp kollinum á Twitter, með sína eigin síðu: hvarerpavel. Og hún virðist vera að leita að eiganda sínum.
@pavelino15 Hvar ertu? Afhverju yfirgafstu mig? Eg verð í stúkunni í kvöld ef þú hefur enn áhuga. #leitinaðpavel #körfubolti #IceEM15
— Treyjan Hans Pavels (@hvarerpavel) September 10, 2015
Pavel var svo kominn í aðra treyju fyrir leikinn gegn Tyrkjum í kvöld
@pavelino15 Einmitt. Bara strax kominn með nýja. #judas #leitinaðpavel #IceEM15 pic.twitter.com/j1hFzfEVd3
— Treyjan Hans Pavels (@hvarerpavel) September 10, 2015