Kraftakarlinn Rich Piana, vakti talsverða athygli hér á landi á síðasta ári. Piana er tengdasonur Íslands en hann kvæntist Söru Heimisdóttur í september.
Í einu af myndböndunum sínum á Youtube sagði Rich frá því að áður en hann kynntist Söru hafi hann íhugað að flytja út úr glæsihýsi sínu þar sem hann var afar einmana.
„Svo kom Sara í líf mitt og flutti inn. Við eyðum hverri sekúndu saman og eigum stórkostlegt samband,“ segir hann.
https://www.instagram.com/p/BBPSMG3I-RT/?taken-by=1dayumay
Aðdáendahópur Rich Piana er stór en hundruð þúsunda fylgja honum á Youtube og Instagram. Hann er eflaust massaðasti tengdarsonur Íslands og vakti svo mikla athygli hér á landi að Maggi Bess túlkaði hann í Skaupinu.
„Gömlu vinirnir verða að fara…“
Rich Piana er duglegur við að deila myndböndum úr lífi sínu á Youtube. Í nýjasta myndbandinu kemur hann Söru á óvart þegar þau fara út að borða á Outback steikhúsið. Eftir að hafa farið rækilega yfir kosti og galla steikhúsa fara þau út að borða, eins og sést í myndbandinu hér fyrir neðan.
Þegar þau koma út er bíllinn þeirra horfinn og í staðinn búið að koma fyrir stórglæsilegum bleikum Benz. Sara dáist að bílnum áður en Rich hlær og segir henni að bíllinn sé hennar.
„Ha?“
„Til hamingju með Valentínusardaginn!“
Horfðu á myndbandið hér fyrir neðan.