Vaxtaræktarmaðurinn Rich Piana er látinn. Hann var 46 ára gamall. Þetta kemur fram á vefmiðlinum TMZ. Íslendingar kynntust Rich þegar hann kvæntist Söru Heimisdóttur árið 2015 en leiðir þeirra skildu ári síðar.
Rich slasaðist á heimili sínu í ágúst og var á tímabili haldið sofandi í öndunarvél. Hann missti meðvitund þegar Chanel Renee, kærastan hans, var að klippa á honum hárið. Við það féll hann í gólfið og hlaut höfuðhögg sem hann náði sér aldrei eftir.