RÚV auglýsir eftir aðila til að framleiða Áramótaskaupið, greiða 32 milljónir fyrir framleiðsluna

Auglýsing

RÚV hefur auglýst eftir aðila til að framleiða Áramótaskaupið í ár. Viðkomandi fær 32 milljónir króna til að klára verkið. Þetta er í annað skipti sem RÚV auglýsir eftir framleiðanda með þessum hætti en það var í fyrsta skipti gert í fyrra.

Arnór Pálmi Arnarson leikstýrði Skaupinu í fyrra sem vann til Edduverðlauna sem skemmtiþáttur ársins. Í auglýsingunni kemur fram að krafist sé framúrskarandi gæða og hugmyndaauðgi og að gert sé ráð fyrir því að Skaupið sé 50 til 55 mínútur að lengd.

Sjá einnig: Femínistar fagna berum brjóstum í Áramótaskaupinu: „Grét úr hlátri yfir dickpic og free the nipple“

„Farið verður fram á reglulegt samtal við dagskrárstjóra og aðkomu hans að lykilákvörðunum sem snerta framleiðsluna, þ.m.t. samþykkt handrits, starfsfólks og á endanlegu klippi,“ segir í auglýsingunni.

Auglýsing

Þá kemur fram að RÚV greiði framleiðanda 32 milljónir króna til að standa straum af kostnaði við framleiðsluna.

Í innsendum tillögum þurfa meðal annars að koma fram upplýsingar um leikstjóra, handritshöfunda og leikara ásamt ítarlegri lýsingu á efnistökum og nálgun í handriti.

Smelltu hér til að sækja um.

Auglýsing

læk

Ummmmm...

Rjómalöguð rækjusúpa

Tandoori kjúklingaleggir

Instagram